Ուղեցույց
Խանութ–մատակարար կապի հարթակ · տարբերակ 5 (նախատիպ)
Ի՞նչ է ArmTrade-ը։
Հարթակ, որտեղ խանութն ու մատակարարը աշխատում են առանց զանգերի։ Համակարգը հետևում է խանութի պահեստին ու վաճառքներին, ինքն է հուշում՝ երբ և ինչ պատվիրել, իսկ պատվերները, հաշիվներն ու պարտքերը երկու կողմում երևում են իրական ժամանակում։
Բացել ծրագիրը
Արագ մեկնարկ
| Դեր | Գաղտնաբառ | Ինչ է տեսնում |
|---|
| Խանութ | nran2026 | Պատվերներ, վաճառք, պարտքեր |
| Մատակարար | aqua2026 | Պատվերներ, պահեստներ, հաշվառում |
Բացեք ծրագիրը երկու տարբեր սարքի վրա, մուտք գործեք տարբեր դերերով — և նրանք ավտոմատ կմիանան իրար․ պատվերը մի սարքից երևում է մյուսի վրա մի քանի վայրկյանում։ «Դեմո ռեժիմ» կոճակը բացում է երկու կողմը մեկ էկրանին՝ ներկայացումների համար։
Վերևի կոճակներ՝ թեմա կապ ծանուցումներ EN/РУ/ՀԱՅ լեզու հաջորդ օր (դեմո)
Խանութի կողմը
- Այսօր — ինչ է պետք պատվիրել այսօր․ համակարգը հաշվում է ամեն ապրանքի ցիկլը։ Այստեղ են գալիս նաև մատակարարի առաջարկները՝ հաստատվում են մեկ հպումով։
- Ապրանքներ — ամբողջ տեսականին՝ գներով ու ակցիաներով, որոնում և ֆիլտր։
- Վաճառք — գրանցեք օրվա վաճառքները․ պահեստը նվազում է, մատակարարը դա տեսնում է ուղիղ եթերում։
- Զամբյուղ — պատվերը ուղարկվում է ըստ մատակարարների, ընտրում եք առաքման օրը։ Կրեդիտ լիմիտը գերազանցելիս՝ նախազգուշացում։
- Պատվերներ — կարգավիճակի գիծ (Նոր → Հաստատված → Առաքված), չատ, ↩ վերադարձ։
- Պարտքեր — պարտք ամեն մատակարարին, կրեդիտ լիմիտի սանդղակ, վճարում։
- Տվյալներ — ծախսերն ըստ ամիսների, հաշիվներ (սեղմեք՝ տպելու), վճարումներ, պատմություն, CSV։
Մատակարարի կողմը
- Վահանակ — օրվա պատկերը, առաջիկա 7 օրվա կանխատեսում, սպասվող պատվերներ։
- Պահեստ — խանութի պահեստն ու վաճառքի արագությունը ուղիղ եթերում․ քանի օրից կվերջանա ամեն ապրանք, 7 օրվա գրաֆիկ, «Առաջարկել» կոճակ։
- Պատվերներ — առաքումների պլան ըստ օրերի, հաստատում, մասնակի առաքում, չատ։
- Խանութներ — բոլոր խանութների պահեստի քարտեզը․ ամեն ապրանքի մնացորդը գրված է իր սկզբնատառի կողքին, պակասը՝ կարմիրով, և կրիտիկականների հաշվիչ։
- Ազդանշաններ — երբ խանութը դադարում է պատվիրել կամ ցիկլն անցել է․ «Հիշեցնել»-ը խանութին ուղարկում է պատրաստի առաջարկ։
- Գնացուցակ — ակցիա −10% միացնել/անջատել․ խանութները տեսնում են անմիջապես։
- Տվյալներ — հասույթ, ստացվելիք գումարներ (վճարման ընդունում, համեմատման ակտ), հաշիվներ՝ ժամկետանց օրերով, CSV։
Ընդհանուր
- Ծանուցումներ — սեղմեք «Միացնել» բաններին և թույլատրեք բրաուզերում։ Ստուգում՝ զանգակի կոճակ → «Փորձնական ծանուցում»։ iPhone-ում համակարգային ծանուցումների համար ավելացրեք ծրագիրը Home Screen (Share → Add to Home Screen)։
- Կապ սարքերի միջև — մուտքով ավտոմատ է։ Առանց մուտքի՝ կապի կոճակով ստեղծեք սենյակի կոդ և մուտքագրեք նույնը երկու սարքի վրա։
- Օրվա սիմուլյատոր — դեմոյի համար․ անցնում է հաջորդ օրը, խանութները «վաճառում» են, գալիս են նոր պատվերներ։
- Վերսկսում — Վահանակ → «↺ Վերսկսել»՝ դեմոյի տվյալները զրոյացնելու համար։
Տեխնիկական տեղեկանք (ծրագրավորողի համար)
Կառուցվածք՝ մեկ ֆայլ armtrade/index.html (HTML+CSS+JS, առանց framework-ների)։ Հոսթինգ՝ Cloudflare Pages, ավտոմատ deploy GitHub-ից՝ github.com/hrachyajavadyan/assay։
Համաժամացում՝ Cloudflare Pages Function functions/api/room/[code].js + D1 բազա (binding՝ DB)։ Ամբողջ վիճակը մեկ JSON՝ սենյակի կոդով, տարբերակի հաշվիչով (optimistic concurrency, 409 կոնֆլիկտի դեպքում)։ Հաճախորդը հարցում է անում 4 վրկ-ը մեկ։
Մուտք՝ դեմո մակարդակի (գաղտնաբառի SHA-256 հեշը կոդի մեջ է)։ Իրական արտադրանքի համար անհրաժեշտ է սերվերային authentication։
Հաջորդ քայլեր (v6)՝ սերվերային հաշիվներ, իրական push ծանուցումներ (փակ ծրագրի դեպքում), տվյալների մասնակի (ոչ ամբողջական) համաժամացում, բազմախանութ իրական հաշիվներ։